آئی ایس ایس بی میں ماہر نفسیات کے امتحانات بہت اہم ہوتے ہیں۰ ماہر نفسیات کے تین طرح کے ٹیسٹ ہیں اور اس کے بعد ماہر نفسیات کا انٹرویو ہے۔ تین ٹیسٹ یہ ہیں، ورڈ ایسوسی ایشن ٹیسٹ، اردو اور انگریزی میں نامکمل جملے کو مکمل کرنے کا ٹیسٹ، نامکمل جملے اور تصویروں کی مدد سے کہانیاں تحریر کرنا۰ آپ جو جملےبناتے ہیں ماہرین نفسیات ان سے گرائمرکی غلطیاں تو نوٹ نہیں کرتے، لیکن وہ آپ کی نفسیات کے مثبت اور منفی پہلوؤں اور نامکمل جملے کو مکمل کرنے کے ٹیسٹ اور دوسرے امتحانات سے آپ کی شخصیت کو جانچتے اور پرکھتے ہیں۰ اگر ماہر نفسیات آپ کو فیل کردے تو ، آپ کو ری جیکٹ کردیا جائے گا چاہے جی ٹی او (جو آپ کے آوٹ ڈور ٹیسٹ لیتے ہے) اور ڈپٹی پریزیڈینٹ (جو آپ کا انٹرویو لیتے ہیں) آپ کو پاس بھی کردیتے ہیں، پھر بھی آپ ری جیکٹ ہو جایئں گے۰ لہذا آپ کو یہ جملے بہت سوچ سمجھ کر بنانا ہوں گے۔ لیکن آئی ایس ایس بی میں آپ کو سوچنے اور سمجھنے کا وقت نہیں دیا جاتا ہے کیونکہ صرف چھ منٹ میں چھبیس جملے بنانے پڑتے ہیں۰ جو لوگ بار بار پریکٹس نہیں کرتے وہ جملے بھی مکمل نہیں کر پاتے اور اپنی شخصیت کے اچھے پہلوؤں کا انکشاف اور اِظہار ہی نہیں کرپاتے اور صرف جملوں کو مکمل کرنے کے چکر میں ایسی ایسی غلطیاں کر جاتے ہیں کہ ماہر نفسیات انہیں ری جیکٹ کردیتے ہیں۔ یہاں ہم نے ایک نامکمل جملے کے لئے 6 یا زیادہ مثبت جوابات بنائے ہیں۔آپ یہاں جتنے ٹیسٹ دیئے گیئے ہیں وہ سب مکمل کریں۰ آئی ایس ایس بی میں زیادہ تر فقرات اِنہی فقروں میں سے آیئں گے۰ ہمارے بنائے گئے جملوں کی مدد سے اَپنے جملے خود بنائیں اور یاد کر لیں۰ اگر آپ ہر نامکمل جملے اور اس کے جوابات غور سے پڑھیں تو، آپ اس امتحان میں کبھی بھی آئی ایس ایس بی میں فیل نہیں ہوں گے۔ انشاء اللہ